NAGA CITY- Nagtutubod an sarong Overseas Filipino Worker (OFW) na posibleng tinuyo an mahewasang wildfire ngonyan sa estado kan California.
Sa entrevista kan Bombo Radyo Naga ki Merryann Panciles, tubong Camarines Sur asin presenteng nagtatrabaho sa Carson, California, sinaysay kaini na dawa pirming nakakapagrehistro nin wildfire sa nasabitang estado alagad nagtutubod sinda na posibleng tinuyo an kasulo huli ta antes nagbungkaras an apoy, nakadangog pa suboot nin putok nin badil harani sa lugar na pinunan kan kalayo.
Sigon ki Panciles, posibleng dae pa mapalsok an wildfire huli ta makusog pa nanggad an duros asin posibleng kadakol pang mga harong an madanyaran kan kalayo kun mapasiring an direksyon kan duros sa residential areas.
Padagos man an pagbulos nin tabang hale sa Red Cross asin sa manlaen-laeng grupo mantang nagtitinir pa sa evacuation centers asin sa mga eskwelahan an mga apektadong residente kan widfire.
Mientrastanto, sigon ki Panciles, kadaklan sa mga apektado kan mahewasang wildfire an mga mayayaman asin mga celebrities.
