NAGA CITY – Pig-ako na kan Transport Group sa banwaan kan Calabanga, Camarines Sur an pagpapautob kan PUV modernization program sa Pilipinas.
Sigun ki Didoy Avila, President kan Calabanga Transport Association, na basado naman sa saindang presidente sa naumbitan ng probinsya, na dae na magpartisipar o magsagibo nin untok-pasada sa Camarines Sur nin huli ta hahalaton na sana soboot ninda an desisyon kan Supreme Court.
Ini an kasunod kan liwat na pigkasang mahewasan na untok-pasada kan grupong Pagkakaisa ng mga Samahan ng Tsuper at Operator Nationwide(PISTON) sa manlaen-laen na parte kan nasyon.
Sigun pa ki Avila, ako na kan mga ini an magigin resulta kan saindang pinaglalaban ini an sa ibong pa kan labing epekto kaini sa mga teos na driver.
Saro na soboot digdi an pagkawara nin mga prangkisa kan jeep, mawawaran nin pangkabuhayan nin huli ta mayo man soboot nin pigpaluwas na jeep an gobierno na panghaloyan. Makalihis kaya soboot an tolong bulan, nagba-bardown na ini.
Mientrastanto, pigsaysay man ni Avila an epekto kan PUV modernization program sa mga commuters huli ta mas madudugangan an mga pamasahe kaini huli naman sa padagos na paglangkaw kan presyohan sa produktong petrolyo.
Siring na sana kan agrangay kan mga pasahero sa saindang banwaan na nag-abot na sa P28 an pamasahe sa PUV. Kun kaya, an umento na dugang P1 sa pamasahe sa jeep an dae ninda pigpapautob.
Katakod kaini, pigtawan-duon man ni Avila na an nasambitan ng programa an pig-papaboran sana an mga darakulang kapitalista kan Pilipinas. Sa ngunyan, pangapodan na sana ni Avila na ibwelta sa Korte Suprema an Usaping pang Transportasyon tanganing mahiling an pinakamarhay na proseso.
