Opisyal ng kasapi kan Senatorial line-up kan Partido Demokratiko Pilipino Lakas ng Bayan (PDP Laban) na pinamamayohan ni dating Presidente Rodrigo Duterte an nakadetineng si KOJC founder Pastor Apollo Quiboloy para sa 2025 midterm elections.
Sa sarong statement na iniluwas kan partido ngunyan na Biyernes, Enero 7, ipinaabot ni Quiboloy an saiyang pasasalamat sa liderato kan PDP-Laban makalihis ining opisyal na mapabali sa listahan kan mga kandidato sa pagka-Senador kan Partido.
Marurumdoman, na naenot ng pig-atras ni Quiboloy an saiyang Certificate of Nomination and Acceptance (CONA) sa irarom kan Workers’ and Peasants’ Party kan Oktubre 21, 2024 makalihis kwestyunon kan labor leader na si Sonny Matula asin sinabing invalid an nominasyon ni Quiboloy huli sa unauthorized signatory. Dae naghaloy, nagdesisyon si Quiboloy na magdalagan komo independent senatorial candidate antes ini dagusang i-adoptar kan PDP Laban.
Sa presente, nakadetine si Quiboloy sa Pasig city jail asin nahahampang sa mga kasong human trafficking, sexual asin child abuse. Apwera pa ki Quiboloy, kabali man sa Senatorial slate kan PDP-laban sinda Jimmy Bondoc, incumbent Sen. Ronald dela Rosa, Sen. Christopher Bong Go, Jayvee Hinlo, Raul Lambino, Rodante Marcoleta asin aktor na si Philip Salvador.
