Pigkumpirmar kan Bureau of Jail Management and Penology (BJMP) na isinugod sa ospital si Kingdom of Jesus Christ (KOJC) Founder Apollo Quiboloy huli sa soboot pneumonia.
Segun ki BJMP Spokesperson Jail Supt Jayrex Bustinera, alas-5 nin hapon kan nakalihis na Huwebes, Enero 18 kan dinara sa Rizal Medical Center (RMC) si Quiboloy huli sa pagkulog soboot kan daghan.
Sa medical bulletin kan RMC, nagkaigwa nin community-acquired pneumonia si Quiboloy.
Huli pa sa kakulangan kan kagamitan kan RMC, pigrekomenda ninda na ibalyo sa sarong pribadong ospital si Quiboloy.
Naipaaram na kan BJMP sa korte asin sa pamilya ni Quiboloy an sitwasyon kan pastor.
Bantay sarado na kan mga tauhan kan BJMP an dae na pigbanggit na pangaran kan ospital sa rason na pang seguridad.
Sa saiyang pagtinir sa sarong pribadong ospital, binisita man soboot si Quiboloy kan saiyang amigo na si dating Presidente Rodrigo Duterte.
Presenteng naaatubang si Quiboloy sa kasong qualified human trafficking sa Pasig Regional Trial Court siringman sa kasong child abuse na pigsunad kontra sa saiya sa Quezon City court.
