Padagos an pagpaparahay kan American rapper na si Tory Lanez makalihis na ini an pagsasaksakon sa laog kan karsel.
Sigun sa kampo kaini, nagsapo nin nasa 14 na beses na saksak an nasambitan ng rapper kabali na an pitong beses sa likod, apat sa saiyang torso, duwa sa likod kan payo asin saro sa ikaduwang parte kan lalawgon.
Nagsapo man an rapper nin pagka-collapse kan saiyang baga kaya ini nilaagan nin breathing apparatus.
Marurumduman, pasado ala-7 nin aga, pinagsasaksak kan kapwa inmates si Lanez sa California Correctional Institution sa Tehachapi.
Advertisement
Si Lanez o Daystar Peterson an nakakulong huli sa pambabadil sa bitis ni Megan Thee Stallion kan 2020.
Advertisement
