Rep. Barzaga, preparadong simbagan sa korte an cyberlibel case na pigsunad ni Razon

Preparadong simbagan sa korte ni Cavite Representative Francisco “Kiko” Barzaga an kasong cyberlibel na pigsunad sa saiya kan casino tycoon na si Enrique Razon.

Nanindugan an lehislador na pawang katotohanan an saiyang pigsiwalat dapit sa pagtatao nin kwarta ni Razon sa nagkapirang lehislador tanganing dae mawara an suporta ninda ki dating Speaker Martin Romualdez.

Hurot kaini na dae ini nasisindak ki Razon maski na ini an saro sa pinakamayamang tawo sa nasyon huli ta an katotoohan an saiyang kapot.

Marurumdumang pigsunad ni Razon an kasong cyberlibel sa Makati City Prosecutors Office makalihis an social media post kan lehislador na binayadan an mga kongresista kan nagsagibo sinda nin pagtiripon.