Pag-aadalan asin babasahon pa ni Pang. Ferdinand Marcos Jr. an accomplishment report na isinumiter kan Independent Commission for Infrastructure (ICI).
Sigun ki Palace Press Officer Claire Castro, naresebir na kan Office of the President an report sa paagi kan Office of the Executive Secretary.
Sinaysay ni Castro, pag-aadalang marhay kan Presidentean resulta kan nagin trabaho kan ICI na binilog tanganing imbestigaran an maanomalyang flood control projects.
Napag-araman na kaibahan sa laog kan 125-day accomplishment report kan ICI an 9 na referral sa Office of the Ombudsman para sa 65 indibidwal na imbwelto sa maanomalyang flood control projects.
Dae man masabi ni Castro kun nagkaulay na sinda ni Presidente Marcos asin ICI chairman Andres Reyes.
Enot nang sinaysay kan Palasyo na pigpapaubaya kan Presidente an kapalaran kan ICI sa pagdedesisyon kan mismong komisyon huli sa pagigin independent body kaini.
