Pwedeng abuton pa nin pirang semana tanganing maaraman an kabilogang danyos kan pagtama kan magnitude 7.7 na linog sa Myammar.
Sigun ki International Rescue Committee’s Myanmar director, Mohamed Riyas, na dagos-dagos an saindang pigsasagibong pag-rescue sa mga nagguhong establisyemento.
Pirang ribong katawo na man an natawan ninda nin paramientras na masisirungan.
Dakulang huma pa man sa sainda an rescue operations huli sa putol an linya kan komunikasyon asin suplay kan kuryente magin an mga tinampo an naraot.
Maabot na sa 144 an binawian nin buhay asin igwang 732 an irido kun saen igwa man nin mga ibang residentes an naireport na nawawara.
Nangapodan na man an mga international aid group sa military junta na dae pugolan an mga malaog na mga truck kan militar na igwang darang mga bulong asin pagkakan.
Mantang sa Thailand man, igwang pitong indibidwal an kumpirmado asin padagos na pighahanap an nasa 81 na mga construction workers gikan sa nagguhong gusali.
Nagpadara na man nin tabang an pirang mga nasyon para sa marekas na pag-rescue sa mga naipit sa makusog na linog.
