NAGA CITY – Mahigot na pinag-aadalan kan researcher sa Partido area an paggamit kan machine learning sa pa-predict kan manlaen-laen na bagay sa kapalibotan.
Sa entrevista kan Bombo Radyo Naga ki Emmanuel Onsay, Assistant Professor IV – Partido State University (Lead Researcher, Machine Learning), sinaysay kaini na an nasambitan ng machine learning an saindang pigtutukduan an computer system o algorithm kun pano ma-detect an mga bagay sa kapalibotan, sa ekonomiya magin sa siyensya.
Dugang pa kaini, sa saindang research, piggamit kaini an machine learning tanganing ma-predict an pagtios, economic development kan Bicol asin sa disaster preparedness.
Marurumduman na kasuarin sana ginamit soboot kaini an saindang machine learning sa nangyaring Bagyong Kristine sa flood forecasting asin disaster preparedness forecasting.
Pigtawan-duon ni Onsay na an saindang machine learning an garo artificial intelligence o AI na kun igwa igding data na pig-input nagge-generate tulos ini nin output halimbawa na sana soboot sa pagbaha na basado sa mga nakalihis na datos kan mga pagbaha sa rehiyong Bicol, kun an mga datos soboot na ini an saindang piggamit komo input sa saindang sytem kaya kaining ma-predict kun saen na lugar an pwedeng bahaon, siring man kaya pa soboot kaining maaraman an mga lugar na dapat magpreparar, magin man kun nuarin mauran asin mabaha basado sa datos na reliable gikan sa mga state weather bureau.
Mientrastanto, piglinaw pa kan Professor na an saindang model o system, an bakong siring sa mga bareta o mga forecast na garo real time asin basado sa monitoring, kun saen ini man an nakabase sa mga datos kan nakalihis na panahon asin maaraman kun ano an pwedeng mangyari sa futuro.
Siring man, kun ma-compliment kan machine learning an weather forecasting mas ma-develop pa ini, mas magigin reliable asin ma-improve an disaster preparedness kan rehiyong Bicol na saro sa pirming pigtatamaan kan mga kalamidad siring na sana kan bagyo.
Sa ngunyan, hagad na sana ni Onsay na sana mas lalo pang ma-aprisyar kan kadaklan an teknolohiya orog na an machine learning asin AI, alagad gamiton sana soboot ini sa tama na makakatabang bako sana para sadiri magin sa ikakamaray kan enterong rehiyong Bicol.
