Nagbaba an reserbang dolyar kan Pilipinas sa pagtatapos kan bulan nin Marso.
Sa iniluwas na preliminary data kan Bangko Sentral ng Pilipinas (BSP), nagluluwas na an gross international reserves (GIR) an bahagyang nagbaba sa $106.2 billion gikan sa $107.4 billion na naikurit kan nakalihis na Pebrero ngunyan na taon.
An GIR an nagtutukoy sa mga foreign assets na nasa pamamayo o kontrol kan BSP na kadaklan an komo foreign investments, gold, asin foreign exchange.
Nahihiling na primerong rason kan pagbaba kan GIR level kan nakalihis na Marso an drawdown o pagbaba kan kantidad kan foreign currency deposits kan gobyerno sa central bank tanganing masimbagan an panluwas na utang asin an net foreigm exchange operations kan BSP.
Sa ibong kan pagbaba, sinaysay kan BSP na an bagong GIR an nagpapahiling kan makusog na external liquidity buffer na katampad kan 7.3 months na kantidad kan good imports asin pagbabayad kan mga serbisyo asin primary income.
Sakop man kaini an 3.7 times kan short-term external debt kan nasyon basado sa residual maturity.
Nahihiling man na bastante an GIR kun kaya kaining bayadan an tolong bulan na kantidad kan imports kan goods kan nasyon asin mabayadan an mga serbisyo asin primary income.
