Maduon nanindugan an dating tagapagtaram kan Moro Islamic Liberation Front o MILF na si Mustapha Kabalo na balgar soboot sa konstitusyon an pag-atras sa pagsasgibo kan Bangsamoro Autonomous Region in Muslim Mindanao o BARMM Parliamentary Elections.
Kun saen nakapalaman sa saiyang petisyong pigsunad sa Kataas-taasang Hukuman o Korte Suprema an pagtutol sa sarong ley na liwat nagpauktaba sa nasambitan ng eleksiyon.
Partikularmente ini sa Republic Act No. 12123 of 2025 o an Act Resetting the First Regular Elections in Bangsamoro Autonomous Region in Muslim Mindanao.
Kaya an nasambitan ng petitioner an liwat nagpasiring sa Korte Suprema tanganing irani an kahagadan na tulos na aksiyon dapit sa saiyang mga petisyon.
Marurumduman kaya na saiyang pigsunad kasuarin sana an Petition for Certiorari, Prohibition and Mandamus tanganing hagadon na maideklarar na ‘unconstitutional’ an nasambitan ng ley.
Nagtutubod kaya an kampo kan petitioner na dae soboot nag-agi sa plebisito an nasambitan ng ley, na kaipuhan soboot muna ining ratipikahan kan mga mamamayan kan Bangsamoro.
Pigtawan-duon man kan dating tagapagtaram ma MILF na pigbalggar sa pag-atras kan eleksiyon an mandato na sabayang eleksiyon o synchronous elections para sa mga local asin national positions.
Huli digde, mapapalipot an laba kan termino kan mga maeelihir na opisyal sa parlyamento na salungat sa tolong mandato na nakapalaog sa konstitusyon.
Nakapalaog sa petisyon an kahagadan na mapugolan an mga respondents na ipautob an implementasyon kan RA No. 12123 enkaso maideklarar na ‘unconstitutional’ ini kan Korte Suprema.
An mga respondente sa petisyon iyo an Office of the President, House of Representatives, Commission on Elections, asin Bangsamoro Transition Authority.
Huli digde, pwedeng idagos na sana an nasambitan ng parliamentary election sa masunod na kasabay na eleksiyon na gaganapon pa sa taong-2028.
Alagad sa ibong man kaini, naenot ng pighayag kan Commission on Elections na saindang idadagos an eleksiyon sa maabot na Oktubre.
Sigun kaya ki Chairman George Erwin Garcia, nag-arangkada na an saindang mga pagpepreparar o preparasyon na maisakatupadan sana an Parliamentary Elections.
