Maogmang ipigheras kan TV host na si Robi Domingo asin kan saiyang agom na si Maiqui kasuodma, Martes na pig-aabangan na ninda an saindang enot na magigin aki.
Pig-anunsyar kan mag-agom an maogmang bareta sa paagi kan sarong video na pig-share ninda sa saindang Instagram accounts, kalakip an mensaheng: “Two years married… and now our greatest blessing is on the way.”
Mahihiling sa video an mga kua puon pa kan nakalihis na Setyembre, kun saen ipinahiling ni Maiqui mantang nagkukua nin pregnancy test an mga oras na naaraman nindang mag-agom an resulta.
Emosyonal man an reaksiyon ni Robi kan ipigheras sa saiya an bareta. Kaibahan man sa video an maogmang reaksiong kan nagkapira sa saindang mga amigong artista na sinda Darren Espanto, Donny Pangilinan, Vice Ganda, Anne Curtis, Coco Martin, asin mga miyembro kan BINI.
Kasabay kan anunsiyo kan pagbabados an pagselebrar kan ika-duwang anibersaryo kan saindang kasal.
Sa caption kan saindang post, sinaysay kan mag-agom: “Happy 2nd anniversary! We’re ready to give you all our love.”
Marurumdumang nagpakasal sinda Robi asin Maiqui kan nakalihis na 2023 sa sarong pribadong seremonya sa simbahan na inatendiran sana kan hararaning amigo asin kapamilya.
