Ibinalyo na si dating House Speaker Martin Romualdez sa Quezon City Jail Male Dormitory sa Payatas.
Nag-abot an convoy na nagdara ki Romualdez hale sa University of the Philippines (UP)-Philippine General Hospital (PGH) bandang 10:54 nin banggi kan Lunes, Setyembre 14.
Nag-agi si Romualdez sa standard commitment asin booking procedure sa Quezon City Jail, na kabali an pagkumpiska sa mga dai otorisadong gamit, pagkua nin mug-shot, pagsusuri sa medical history, asin an tuluyang pagkaag sa itinalaan na selda.
An nasabing pagbalyo ki Romualdez sa QC Jail nakabase sa nagin kasuguan kan Sandiganbayan na dapat nang ibalyo sa QC Jail an lehislador matapos na mahiling na “clinically stable” asin dai na dapat ipagpadagos an pagtinir sa ospital.
Naaresto si Romualdez kan Setyembre 7 matapos na magpaluwas an Sandiganbayan nin warrant of arrest huli sa P7.4 bilyon na kasong plunder na isinampa kan Office of the Ombudsman.
Enot ining na-confine sa Cardinal Santos Medical Center antes ibinalyo sa UP-PGH kan Sabado, Setyembre 12 para sa independent examination.
