Naghagad si Leyte Rep. Martin Romualdez sa Sandiganbayan na tugutan siyang magdanay sa hospital custody sa Cardinal Santos Medical Center matapos siyang arestar huli sa kasong plunder na nagkakantidad P7.44-bilyon.
Nagsumite an saiyang mga abogado nin urgent motion, na idinodoon na an kahagadan bakong paglikay sa pag-arestar kundi huli sa dokumentadong pangangaipo medikal na nangangaipo nin padagos na inpatient care.
Si Romualdez igwang dokumentadong cardiac history asin iba pang seryosong kamugtakan, kaiba an bagong angioplasty, hypertension, asin Type 2 Diabetes Mellitus, na nangangaipo nin padagos na atensyong medikal.
Nagproponer siya nin court-supervised arrangement na igwang round-the-clock guards asin restriksyon sa mga bisita tanganing masiguro an seguridad asin akuntabilidad.
An mga pulis nakapuwesto sa luwas kan saiyang kwarto, asin kinumpirma ni Interior Secretary Jonvic Remulla an aroaldaw na pag-inspeksyon sa saiyang kamugtakan.
An Sandiganbayan nakatakdang maghimo nin sadiri nindang pag-assess manungod sa medikal na kamugtakan ni Romualdez asin an epekto kaini sa saiyang pagbalyo sa regular na detention facility.
