Ibinasura kan Korte Suprema, sa nangyari nitong En Banc Session, an ‘petition for certiorari’ ni dating House Speaker Martin Romualdez.
Sa ibinasurang petisyon, kinukwestyon kan mambabatas an ginibong ‘preliminary investigation, aplikasyon para sa preliminary hold departure order, asin freeze order’ kan Office of the Ombudsman kontra saiya.
Maski an kahagadan na mag-isyu nin Temporary Restraining Order tanganing mapugulan an Ombudsman na padagoson an ‘preliminary investigation’ ibinasura man kan hukuman.
Segun sa Korte Suprema, an nasabing petisyon nagin moot asin dai na kaipuhan pang resolberan huli ta naihain na sa Sandiganbayan an kasong plunder, asin na-arraign na man an dating house speaker.
Advertisement
Advertisement
