Aram baya nindo mga ka-bombo, an British rowing team na nagpapartisipar sa kompetisyon sa Atlantic Ocean para sa endurance challenge an nagpundo tanganing isalbar an sarong dakulang sea turtle na napupuriputan nin net.
Sigun sa miyembro kan Hampshire-based Call to Earth team na sinda John Hammond, Stacey Rivers asin Emma Wolstenholme, yaon na sinda sa rayong 895 miles para sa 3,000-mile Atlantic crossing komo parte kan World’s Toughest Row kan mahiling an nasambitan ng pagong.
Katakod digde, nagpost an grupo nin video sa Instagram na nagpapahiling na sinda an paramientras na nagpundo sa saindang paglalakbay tanganing tabangan an pagong.
Dugang pa kan mga ini, an saindang ginibo pagpapahiling sana kan saindang pagsuporta sa Blue Marine Foundation asin Ocean Cleanup tanganing maproteheran an yamang tubig.
Sa ngunyan, kadakol man na mga netizen an naogma sa ginibo kan nasambitan ng rowing team.
