Sinaysay kan Malakanyang na an ruling kan International Criminal Court (ICC) basado sa Rome Statute asin bakong sa political statements.
Reaksyon ini ni Presidential Communications Office Undersecretary asin Palace Press Officer Claire Castro sa kansuarin sana na paggamit giraray kan kampo ni dating Presidente Rodrigo “Digong” Duterte sa naging pahayag ni Presidente Ferdinand R. Marcos Jr. na garo hinahamon an hurisdiksyon kan ICC sa crime against humanity case ni Digong Duterte.
Sigun ki Castro sa sidelines kan 47th ASEAN Summit and Related Meetings sa Malaysia, sa sainda soboot na pagkakaaram, an ICC mabase an desisyon o order o resolusyon sa Rome Statute asin bako mismo sa political statements, kun ini an gagamiton, depende na soboot sa ICC kun pano ninda ie-evaluate.
Sa report, ginamit kan kampo ni Duterte an nagin pahayag ni Presidente Marcos na impliedly accepted para sa karasunan sa hurisdiksyon na si former President Duterte should dae malitis sa Court, tinukoy an 2023 letter ki Vice President Sara Duterte na an gobyerno dae ma tabang sa ICC sa anoman na paagi pa.
Napaabot na ibinasura kan ICC an argumento kan kampo ni dating Presidente Rodrigo Duterte na mayo ining hurisdiksyon sa dating lider makalihis umatras an Pilipinas sa Rome Statute kan taong 2018. Sa 32-dahon nin desisyon na iniluwas kan Oktubre 23, nagkakasararong ibinasura kan ICC Pre-Trial Chamber I an legal na hamon ni Duterte.
Sigun sa korte, may hurisdiksyon pa man an ICC sa mga krimen na garo ginibo sa Pilipinas mantang ini kasapi pa kan Rome Statute. Ipinaliwanag kan korte na nagpuon an preliminary examination kan ICC kan Pebrero 8, 2018, antes pa magsumiter nin withdrawal notice an Pilipinas sa Statute kan Marso 17, 2018.
Sinayumahan man kan korte an kahagadan kan depensa na ipagpauktaba an desisyon mantang hinahalat an pagsuri sa kakayahan ni Duterte na makiparte sa pre-trial proceedings. Mientrastanto si Duterte an presenteng yaon sa The Hague, Netherlands asin nahahampang sa kasong crimes against humanity huli sa war on drugs campaign kan saiyang administrasyon
