Pigpasipara sana kan Russia an naging banta ni US President Donald Trump na dapat magsimbag na ini sa ceasefire deal sa Ukraine.
Sa pagbisita kaya ni Trump sa Scotland pigsaysay kan Presidente na hasta sampulong aldaw sana an saiyang pigtalaan sa Russia tanganing mag-uyon ini sa pigbubusol kan US na ceasefire.
An nasambitan ng deadline an mas pinahalipot gikan sa dating 50 aldaw na itinao sa Russia.
Kun dae soboot sinda matugot, papatawan ini nin mas magabat na taripa.
Mientrastanto, pigtawan duon man kan Russia na hasta dae nasusunod an saindang kondisyon dae soboot sinda masimbag sa nasambitan ng deadline na pigsambit ni Trump.
Marurumduman, pirang beses naman na nagkaigwa nin pag-uulay an duwang lado alagad nagtitinir na bigo pa man giraray ini.
