Pigtawan na nin Filipino citizenship an Russian Figure skater na si Aleksandr Sergeyevich Korovin.
Pigtintaan ni Presidente Ferdinand Marcos Jr. an Republic Act no. 12115, na naggawad kan Philippine citizenship ki Korovin kaiba kan gabos na karapatan, pribilehiyo, asin prerogatives, asin mga tungkulin asin obligasyon sa irarom kan konstitusyon asin mga ley kan nasyon.
Sa oras na makapag-oath of allegiance, tatawan ini nin certificate of naturalization kan Bureau of Immigration tangani na makua kaini an bilog na Filipino citizenship.
An trenta anyos na figure skater an piglalaoman na saro sa mga magigin pambato kan Pilipinas sa Asian winter games sa China sa Feb. 2025, asin sa 2026 Winter olympics sa Italy.
