Pigkumpirmar kan Bureau of Immigration (BI) na inilipat na sa kustodiya kan Bureau of Jail Management and Penology o BJMP an Russian vlogger na si Vitaly Zdorovetskiy huli sa pangbabastos kaini sa mga Pinoy.
Sigun sa Bureau of Immigration, na Hunyo 11 kan piglipat sa BJMP si Zdorovetskiy na nahahampang sa patong-patong na kaso makalihis arestaron kan Abril huli sa Immigration laws.
Pigpahimutikan man kan Bureau of Immigration an hurot kaini na makapagpiyansa asin matinir ini sa kulungan hasta dae pa nareresolbar an mga kinakahampang na kaso.
Pigsierto man kan Bureau of Immigration na dae tinawan nin special treatment an dayuhan orog na ta nagbalgar ini sa ley asin pig-abuso an hospitable kan mga Pinoy.
Advertisement
Advertisement
