Nakaputan kan World No. 1 Aryna Sabalenka an kapangganahan sa Miami Open ngunyan na Domingo, oras sa Pilipinas, makalihis na daogon si American Jessica Pegula sa skor na 7-5 6-2 sa WTA 1000 final sa Hard Rock Stadium.
An titulong ini an enot kan Belarusian sa Miami asin an saiyang panduwa sa season kasunod kan saiyang trayumpo kan Enero sa Brisbane.
Huli ta nadaog sa final sa Indian Wells sa Russian 17-year-old na si Mirra Andreeva kan nakalihis na bulan, determinado si Sabalenka na dae na liwat madaog sa huring oras.
Sigun ki Sabalenka, an pagkagan kan tropeo na ini an sobrang espesyal, na nagtaong pugay sa pagganap ni Pegula makalihis utrohon an saiang kapangganahan kontra sa saiya gikan sa huring taon kan US Open.
Parehong nadipisilan an duwang parakawat na kapotan an saidang serve sa enot na set, nag kaigwa nin pitong break kan serve, kun saen si Pegula an nagkawsa nin problema ki Sabalenka kan darahon ini sa net.
Alagad nagbago an momentum kan si Pegula an nagse-serve tanganing magtinir sa set sa 6-5 down asin si Sabalenka naggibo nin sarong forehand drop asin pagkatapos, sarong matibay na down the line winner tanganing kuanon an set.
Sa sandaling makabuhat ini gikan sa pagkaraot sa saiyang enot na kawat sa ikaduwang set, mas marekas ini para ki Sabalenka, na an bid para sa ikatolong sunod na titulo kan Australian Open an napugolan kan Madison Keys sa Melbourne final kan nakalihis na taon.
Duwang beses na nagbreak si Sabalenka tanganing maglangkaw sa 3-1, alagad dae ini naging hadlang tanganing taposan an kawat asin manggana sa sarong oras 27 minuto.
Sa saiyang hurong 14 laban kontra sa top 10 players, nanggana si Sabalenka nin 12 asin pigbisti kaini an saiyang abilidad sa clutch moments para sa saiyang record.
An 26-anyos na si Sabalenka an nanggana na gunyan nin walong WTA 1000 title asin 19 na titulo sa WTA Tour sa pangkagabusan – 17 sa mga ini an nag-abot sa mga hard court kaiba an tolo sa saiyang Grand Slam singles titles — an 2023 Australian Open, 2024 Australian Open asin an 2024 US Open.
