Nagtutubod si House Deputy Minority Leader asin ACT Teachers Party-list Rep. France Castro na sarong impeachable offense an salang paggamit ni Vice President Sara Duterte kan confidential fund.
Pahayag ini ni Castro makalihis na magluwas an Commission on Audit (COA) nin Notice of Disallowance sa ginibong paggastos kan ahensiya ni VP Duterte sa P73 milyong pondo na parte kan P125 milyong confidential fund kan nakalihis na 2022.
Kabali sa Notice of Disallowance kan COA an Reward Payment – 10 milyon; manlaen-laen na produkto na pigbayad komo reward – 34.857 milyon; bulong komo pambayad nin reward – 24.930 milyon; pagbakal nin mga lamesa, tukawan, desktop computers, asin printers – 3.5 milyon.
Para ki Castro, malinaw an punto kan COA na an paggamit ni VP Duterte kan confidential fund an dae nakasunod sa Joint Circular No. 2015-01.
Apwera sa ₱125 milyong confidential fund na ginastos kan 2022 an pinagtawan duon ni Castro na dapat man na surion an paggastos ni VP Sara kan ₱372 milyon sa ₱500 milyong confidential fund kaini kan nakalihis na 2023.
