Naka-detain na an kontrobersyal na contractor na si Sarah Discaya sa Lapu-Lapu City Jail kaiba an walo iba pang opisyal kan Department of Public Works and Highways (DPWH) Davao Occidental.
Sinda Discaya asin saiyang mga kapwa akusado an magkakasuhay na nag abot sa Mactan Cebu International Airport (MCIA) kan nakalihis na Disyembre 19, makalihis an warrants of arrest na inisyu sa sainda kan Regional Trial Court (RTC) Branch 27 sa saindang koneksyon sa maanomalyang flood control projects sa Davao Occidental.
Duwa sa walong DPWH engineers an nag abot bandang alas-3 nin pagkahapon kan Disyembre 19. Tulos sindang dinara sa RTC Branch 27 sa Lapu-Lapu City Hall of Justice.
Nag abot man si Discaya pasado alas-6 nin pagkabanggi kun saen tulos ining dinara sa RTC Branch 27. Hinigutan an seguridad sa Hall of Justice sa saiyang pag abot. Apat sa mga opisyal kan DPWH an nag abot sa nasambitan ng korte pasado alas-7 nin pagkabanggi.
