Gadan an sarong tawo sa Ecuador makalihis an darakulang alon na nag-abot sa apat na metros an langkaw na nagdara man nin mahewasang pagkaabala sa mga baybayon kan Peru na iyong nagresulta sa pagsasasarado kan kadakol na mga dalampasigan asin pantalan sa nasyon.
An insidenteng an nangyari sa baybayon na siyudad kan Manta kun saen nahiling kan Manta Fire Department an lawas kan sarong nawawarang tawo sa sektor kan Barbasquillo bandang ala-6 nin aga, lokal na oras sa Ecuador.
Sa Peru, nilubog kan mga alon an mga pantalan asin pampublikong plaza, mantang an mga residentes man an nagpasiring sa mas halangkaw na lugar.
Sigun sa mga report napiritang isarado kan gobyerno an 91 sa 121 kaining mga pantalan, na matinir na sarado hasta Enero 1, Pinasarado man kan munisipilidad kan Callao, harani sa Lima, an pirang mga dalampasigan asin ipinagbabawal an mga tourist asin fishing boat na maglayag.
Mientrastanto, an mga bakong pangkaraniwang darakulang alon an dara kan padagos na duros gikan sa baybayon kan Estados Unidos, na naglakbay nin rubu-ribong kilomentros pasiring sa mga baybayon kan Peru asin Ecuador.
Dakula an nagin epekto kan mga alon sa sararadit na bangkang pansira asin mga negosyo sa tabing-dagat, asin kadakol man sa mga lugar an nakaeksperyensiya nin malubhang danyos kan makukusog na alon.
Padagos na nag-iisyu nin mga abiso an mga lokal na awtoridad tanganing malikayan an mga baybayon.
