NAGA CITY – Iridu an driver kan sarong ambulansya makalihis maaksidente sa Barangay Bagacay, Tinambac, Camarines Sur.
Binisto an biktima na si Ricardo Padua, 56-anyos.
Sa nakuang impormasyong kan Bombo Radyo Naga gikan sa kapulisan, napag-araman na gikan sa syudad nin Naga an ambulansyang minamaneho kan biktima asin pasiring kuta na sa Tinambac Proper.
Alagad aksidente ining nakabangga sa sarong pick-up na minamaneho naman ni Melvin Boñon, 37-anyos asin lunad an apat na pasahero.
Huli sa kusog kan pagkakabangga nagsapo nin lugad sa lawas an biktima mantang maswerte man na mayong nairidu sa lunad kan pick-up.
Sa ngunian, nagpapadagos pa an imbestigasyon kan mga otoridad dapit sa nasambitan ng aksidente.
