NAGA CITY-Napasakamot na kan mga otoridad an saro sa duwang persona na nasa likod kan pangbabadil-gadan sa apat persona sa Barangay Fabrica, Bula Camarines Sur.
Binisto an suspek na si Ramjay Prima Galicia, 33-anyos. Sa entrevista kan Bombo Radyo Naga ki PMaj. Fernando Cedo, hepe kan Bula-PNP, sinabi kaining enot na nindang nabisto an suspek sa krimen alagad huli ta dae pa nagpapaluwas nin warrant of arrest an korte kung kaya dae ninda nagigibong arestuhon.
Katakod kaini, pigserbihan soboot ninda nin search warrant an nasambitan ng suspek nganeng marekober an badil kaini alagad mga bala na sana an nakua kan mga otoridad.
Apwera sa mga live ammunitions, limang sachet pa kan pinagtutubudang shabu asin iba pang mga drug paraphernalia an nakua sa pangangataman kan suspek.
Sa ngunyan nasa kustudiya na kan mga otoridad si Galacia asin nahahampang sa kasong pagbalgar sa RA 9165 o Dangerous Drugs Act of 1972 asin 4 counts of murder mantang pighahanap pa an kaibanan kaini sa panggagadan sa 4 katao.
Kung marurumduman, Hulyo 30, 2019, nag-iinuman an mga biktimang sinda Nathaniel Nathaniel Patalon-an, kaiba an mga tugang na sinda Rodelio, Chuchi asin agom kaining si retired air force na si Orlando Baladad kan pagbabadilon kan suspek kaibanan an saro pa na nagresulta sa pagkagadan kan mga ini.
