Pig-arestar kan mga pulis sa Argentina an saro sa 2 kalalakihan na pig-akusaran na nagsusuplay nin droga sa dating miyembrokan sikat na bandang One Direction (1D) na si Liam Payne antes ini bawian nin buhay antes man mahulog sa ika-tolong palapag kan saiyang hotel room sa Buenos Aires kan nakalihis na Oktubre 16, 2024.
Nabisto an nasambitan ng indibidwal na si Brain Paiz, saro sa 5 defendants na na-indict igwang kaaraman sa pagkagadan ni Payne.
Naenot na man na pigkasuhan an 3 sa 5 defendants kan manslaughter asin an 2 iba pa an ipigdemenda huli pagsusupay kan iligal na droga sigun sa prosecutors na igwang kapot sa kaso.
Sigun sa Prosecutors, nakakonsumo nin cocaine an British singer, siring man nin alcohol asin prescription antidepressant antes mahulog sa balcony kan saiyang kwarto sa Casa Sur Hotel.
An 24 anyos man na si Paiz an pig-akusaran na nagsuplay nin mga droga ki Payne 2 aldaw antes ini bawian nin buhay.
Pighalughog man kan kapulisan an harong kan nasambitan ng supplier.
Alagad sa sarong entrevista digde kan nakalihis na Nobyembre, pighurot kaini an nasambitan ng paratang bagaman pig-ako kaining nakipaghilingan ki Liam asin nakaibahan sa saiyang hotel.
Pighurot man ni Paiz na nagresebir ini nin kwarta para sa mga pig-suplay kaining droga, alagadsinaysay kan judge sa nasambitan ng kaso na nagluwassa nakalap na ebidensiya na pigbayadan ini sa pagsuplay kan iligal na droga.
