NAGA CITY- Nagtao nin tips an sarong legal practitioner sa mga ma-take nin Bar Exam ngunyan na bulan nin Setyembre kun ano an saindang mga gigibuhon tanganing mapagtrayumpuhan nin marhay an nasambitan ng eksaminasyon.
Sa entrevista kan Bombo Radyo Naga Atty. Queennie Anne F. Rojano, Legal Practitioner, pigheras kaini sa mga nag-aadal sa law school na dapat sa presente nagkakaigwa na nin Study Habit asin magkaigwa nin commitment sa pagbasa orog na magin mahusay asin sa grammar.
Mantang sa mga Bar Examinee dae dapat na i-pressure an sadiri asin mas orog pang pangataman an kaisipan tanganin na magkaigwa nin marhay an resulta an eksaminasyon.
Dugang pa ni Rojano, igwang tolong rule sa mga ma-take nin Bar Examination kun sain primero; pagtaong pansin na magkaigwa nin marhay na salud; panduwa, mentally healthy asin Physically Fit tangani na masierto na magin marhay an pagreview, asin ikatolo an pagpangadyi an dapat na gibuhon orog na sa mga sitwasyon na mayo sa tawo an control.
