Pigtawan-duon kan sarong opisyal sa barangay Sta. Cruz sa syudad nin Naga na mayo ining kakulugan soboot sa sarong concerned citizen na nagpabot nin reklamo mapadapit sa basura.
Sa nagin entrevista kan Bombo Radyo Naga ki Jimbim Delos Martirez, Barangay kagawad asin Committee on Environment and Elocogy sa Sta. Cruz pigsaysay kaini na mayo ining kulog boot sa mga residente kan saindang banwaan na nagpapabot nin concern sa problema kan barangay.
Sigun digdi, an mga nagrereklamo soboot sa saindang barangay katakod sa basura an nagseserbi sa saindang motibasyon tanganing mas mapakarhay an pigsasambit na problema sa lugar.
Katakod dgdi, igwa nin hotline an saindang barangay hall na pwedeng kaining dumanan enkaso igwang magreklamo dapit sa problema sa saindang lugar.
Pigpahimutikan man ni Martirez, na mayong nagkakahelang sa saindang barangay huli sa basura.
Huli ta igwa soboot ini nin adbokasiya kun sain an basura dgdi an igwa nin proper disposal.
Sigun pa sa opisyal, igwang mga nairerehistro na kaso kan nagkakahelang sa saindang barangay alagad bakong huli sa basura.
Katakod dgdi, an mga nairerehistrong helang sa saindang lugar an siring mansipon sana alagad kun igwa man soboot magkaigwang helang huli sa nasambitan ng basura ipaabot soboot ini sa saindang opisina.
Sigun pa ki Martirez, kun mayo nin partnership, an saindang mga stakeholders asin mga konstituwentes sa mga programa kan saindang barangay dae soboot magigin 100% na masisimbagn an problema kan saindang barangay kaya kinakaipuhan na gabos properly coordinated asin properly reported tanganing marespondehan.
Sa ngunyan, pangapudan na sana man ni Martirez na igwa nin designated na garbage collection area o apunan an saindang barangay , nakalaag man soboot sa sarong billboard an pinagtalaan na oras asin mga numero kan tawong apudan enkaso igwang problema.
Nagpadara naman ini ni surat sa lambang harong kung anong oras pwedeng iluwas sa gilid kan tinampo an saindang na basura.
