NAGA CITY– Mahahampang sa kasong pagbalgar sa RA 9165 o an Comprehensive Dangerous Drug Act of 2002 an sarong drug personality makalihis ining madakop sa ginibong anti-illegal drug operation kan mga otoridad sa Brgy Calumpang, Tayabas, Quezon City.
Binisto an suspek na si Arnel Veleña, 53 anyos.
Sa nagunong impormasyon kan Bombo Radyo Naga napag araman na nadakop sa aktong nagpapabakal nin ilegal na droga si Veleña sa ginibong anti-ilegal drug operation kan Tayabas PNP.
Nakumpiskar sa digdi an sarong sachet nin tigtutubudang shabu, sarong wallet na may laog na brown envelope na may apat na sachet ng tigtutubudang shabu asin sarong pidasong P1,000 peso bill asin duwang pidaso nin P500 peso bill na ginamit komo buy-bust money.
Sa ngunian, nasa kustudiya na kan mga otoridad an nasambitan ng suspetsado.
