Aram baya nindo mga ka-bombo, ipinangaran ki Dr. Jose Rizal an sarong intersection sa Woodside, Queens, New York, komo pagtataong onra sa Philippine national hero asin sa mga migranteng Pinoy.
An nasambitan ng komunidad an saro sa mga komunidad sa US na igwang kadakol na Pinoy na nakaistar.
Pigsunad kan Filipino-American legislator na si Steven Raga sa New York State Assembly an prosopwesto tanganing ribayan an dating pangaran kan nasambitan ng intersection na nasa Woodside Avenue and 58th Street, na sinuportaran man kan saiyang kaparehas na local legislators.
Pinangenotan ni Philippine consul general in New York Senen Mangalile an unveiling ceremony kun saen pigtawan duon kan opisyal na an paggamit sa pangaran kan pambansang bayani an sarong dakulang onra orog na sa mga migranteng Pinoy na yaon sa lugar.
Pigkumparar man ni Mangalile an nagin eksperyensiya kaidto ni Rizal mantang nasa manlaen-laen na nasyon asin an presenteng sitwasyon kan mga migranteng Pilipino na naghahanap-buhay sa ibang nasyon.
Pigtawan duon pa kan opisyal an padagos na kontribusyon kan mga Pilipino sa New York, tanganing dagos-dagos an pag-uswag kan nasambitan ng estado, kaibahan na an mga mauswag na mulicultural landscape kaini.
