NAGA CITY-Nangapodan an Kapitan kan Barangay Caroyroyan, Pili, Camarines Sur sa mga benepisyaryo kan Pantawid Pamilya Pilipino Program (4Ps) na dae paglaom an gabos sa siring na programa.
Sigun ki Jerry Canave, Kapitan kan nasambitan ng barangay na sa saindang banwaan, dakulon an benepisyaryo kan 4Ps alagad an sitwasyon kan saindang banwaan an dae nagbabago. Kun saen, naglalaom sana an mga ini sa nasambitan ng programa.
Apwera pa digdi, kadakol man an nagheheras nin ayuda tuyong eleksyon na saro pa sa mga piglalaoman kan mga ini. Huli digdi, nagpagirumdom an Kapitan na dae soboot dapat magkulog an mga benepisyaryo na nahahali na sa nasambitan ng programa nin huli ta igwa nin pinagbabasehan an DSWD siring na sana kan living capacity katakod naman kan mga meeting na pigsasagibo sa kada barangay.
Mientrastanto, pinagtawan-duon man kan Kapitan na bako sana dapat an leader an naglalapigot tanganing mapamarhay an buhay siring man an pag-uswag kan sarong lugar, alagad obligasyon kan lambang saro na tabangan ini nin huli ta para man sana ini sa saindang ikakamarhay. Siringman, sinda an naggigibo nin desisyon para sa saindang sadiri asin pamilya.
Sa ngunyan, pangapodan na sana kan Kapitan na kun ano man an napagkasundoan kan DSWD asin kan mga benepisyaryo an dapat sunudon orog na an pagpapaklase sa saindang mga aki, asin an food security kan mga pamilya.ya.
