Ipinaliwanag kan state weather bureau an biglaang pagbaha sa piraang lugar sa Quezon City kan nakalihis na Sabado, Agosto 30.
Sigun sa bureau, ini an kawsa kan matindi alagad panandaliang thunderstorm na nagbulos nin 96.6 millimeters (mm) kan uran sa laog sana kan sarong oras, mas halngkaw sa peak one hour na pag-uran kan manlamasa an bagyong Ondoy. bastante an kusog tangani magkawsa nin mahewasang pagbaha sa nasambitan ng syudad.
Katampad man kaini an limang aldaw na pag-uran sa bulan nin Agosto.
Kinumpirmar man kan Quezon City Disaster Risk Reduction and Management Office (QCDRRMO) na dae nilalaoman an kusog kan bulos kan uran na nagkawsa nin mahewasang pagbaha.
Nagpakol sa 36 na barangay an naapektaran, alagad humupa man an tubig makalihis an pirang oras.
Nilinaw man kan weather bureau na bagaman mas halipot an pag-uran kumparar sa Ondoy, marikas man na humupa an baha.
Marurumduman kan tumama an bagyong Ondoy kan naklaihis na 2009, nagkawsa ini nin mahewasang pagbaha sa Metro Manila, pirang parte kan Luzon asin iba pang lugar kawsa kan dae pangkaraniwang kusog kan uran na nagpakol sa 90mm kada oras.
Katakod man kaini, padagos na pig inkaminar an publiko na magin alerto asin man sumubaybay sa mga weather advisory orog na ngunyan na tag-uran tangani makaiwas sa peligro kan pagbaha.
