NAGA CITY – Nagpagirumdom an sarong padi sa mga deboto na magpili nin marhay na kandidato na kayang magserbi sa publiko asin bakong sa sadiri.
Sa entrevista kan Bombo Radyo Naga ki Rev. Fr. Joey D. Gonzaga, the seminary rector kan Archdiocese of Caceres, sinaysay kaini na magsirbing pagirumdom an Semana Santa sa publiko orog na sa mga botante asin kandidato na an tunay na serbisyo an bakong para sa sadiri alagad para sa gabos.
Sigun ki Fr. Gonzaga, hilingon kan mga botante kun isay na kandidato an kayang magserbi sa mga tawo asin pagserbi sa Mahal na Kagurangan.
Mientrastanto, mapartisipar man an Simbahan para sa mangyayaring Meeting de avance para Gobernador, Alkalde kan siyudad nin Naga asin iba pang mga representante para sa pagka-Congressman na sakop kan Camarines Sur na isasagibo sa maabot na Abril 24 asin Abril 28.
