Kinumpirmar kan Manila Municipal Disaster Risk Reduction and Management Office na binawian na nin buhay an sarong photojournalist makalihis mawaran nin pagmangno sa kasagsagan kan Traslacion coverage sa Maynila.
Natukoy na an mamamahayag na binawian nin buhay na si Son H. Del Mundo, 54 anyos. Idinalagan ini sa ospital alagad idineklarang gadan na kalaunan.
Mientrastanto, basado sa datos kan local disaster office, igwa nin kabilogang 299 katawo an rinanihan kan medical aid sa kasagsagan kan prusisyon basado sa datos kasubagong alas-10:00 nin aga.
Sa nasambitan ng numero, nasa 13 an major cases mantang 141 an nagsapo nin minor injuries.
Nakapagrehistro man nin sarong insidente kun saen pinorbaran kan sarong deboto na magbalyo sa may barrier sa mag Quezon Boulevard alagad napahalnas asin naenot na nagbagsak an saiyang lalawgon asin nasubsob sa semento. Huli digde, nagsapo nin pamamaga asin injuries sa saiyang lalawgon asin limbs.
Liwat man na nagpagiromdom an mga otoridad sa mga may edad ng deboto na magdoble-ingat, mantiniron na hydrated asin likayan an matatawong lugar, huli ta pwedeng magresulta ini sa sakit sa paghangos asin pagkawara nin pagmangno huli sa suruksukan o kumpulan kan kadakol na mga deboto.
