Sarong turistang Pinay na nahagip asin nalugadan kan tren sa sarong magayon na lugar kan Pingxi District sa New Taipei kan Lunes kun saen posible pa ining pagmultahon huli sa pagbalgar sa panundunan sa mga riles, sigun sa Railway Police Bureau kan Martes.
Sigun sa New Taipei Fire Department na nakaresiber ini nin apod kan Lunes nin pagkahapon dapit sa sarong aksidente sa Shifen, sarong sikat na destinasyon kan turista sa Pingxi Railway Line sa kabundukan sa sirangan kan Taipei.
Pag-abot sa pinangyarihan, pigbulong kan mga paramedic an Pinay na nasa edad 30 huli sa 3-to-5-centimeter laceration sa saiyang payo asin pirang minuto pa an dinara ini sa sarong ospital sa Keelung City.
Mahihiling man sa surveillance footage gikan sa sarong tindahan sa Shifen Old Street, na itinao kan pinay an saiyang telepono sa sarong amiga tanganing kuanan ini nin ladawan. An Pinay naglakdang sa riles tanganing kuanan nin magayon na ladawan na may papaabot na tren sa frame, asin kan ibuka kaini an saiyang mga braso para mag-pose, digdi na ini nahagip kan tren asin nahulog.
Huli digdi, nagsapo nin lugad sa payo, daghan ason pelvis an pinay alagad nagtitinir na may mangno asin nagsisimbag pagkatapos kan aksidente.
Siringman, sigun sa police bureau posible ining mahampang sa multa sa irarom kan Article 57 of the Railway Act for trespassing on the tracks,
Nakapalaog sa ley na an multa kun ipapataw an nagkakantidad nin NT$10,000 (US$305.24) hasta NT$50,000.
