Pigkumpirmar kan Department of Foreign Affairs na nadukayan na mayo ng buhay an sarong overseas Filipino na enot ng naireport na nawawara makalihis na magtama an magnitude 7.7 na linog sa Myanmar.
Sinaysay ni DFA Undersecretary Eduardo De Vega na an biktima an positibong pigbisto na si Francis Aragon.
Sigun sa ahensya, naipaaram na sa pamilya kan nagadan na Pilipino an sinapo kaini asin presenteng sitwasyon.
Pigsierto man kan DFA na magpapadagos an saindang paghahanap sa mga Pilipino nawawara makalihis an makusog na pagyugo-yugo.
Advertisement
Advertisement
