SBP pighahalat pa an Kongreso para sa naturalization ni Boatwright

Pigpapaubaya na kan Samahang Basketbol ng Pilipinas (SBP) sa kongreso an naturalization ni Bennie Boatwright.

Target kaya kan SBP na maibali si Boatwright sa line up kan Gilas Pilipinas.

Pigsaysay ni SBP Executive Director Erika Dy, na puon pa kan nagbukas an 20th Congress nagsumiter na sinda kan mga kaipuhan na mga dokumento.

Puon kaidto, pighahalat na ninda an go-signal o schedule gikan sa gobierno partikular sa Senado.

Nagtutubod man si Dy na igwang dakulang tabang sa Gilas Pilipinas si Boatwright enkaso naaprubahan na an naturalization kaini.