Nagdesisyon an Supreme Court (SC) En Banc na dagusang ibasura an mosyon kan Kamara na naghuhurot na baliktadon an desisyon kan Hulyo 25, 2025 na nagsasabing nagbalgar sa Konstitusyon an impeachment laban ki Vice President Sara Z. Duterte.
Pinapusog kan SC na an ika-apat na reklamong impeachment na ipinadara sa Senado kan Pebrero 5, 2025 an bawal na sa irarom kan Article XI, Section 3(5) kan Konstitusyon.
Dae nakiparte si Associate Justice Alfredo Benjamin Caguioa, mantang naka-leave si Associate Justice Maria Filomena Singh.
Nilinaw kan SC na an enot na tolong reklamo an dae naiiba sa Order of Business sa laog kan pigtalaan na sampulong session days.
Pigtawan duon kan SC an pagkakaiba kan duwang paagi kan impeachment: an enot an nag-agi sa proseso kan Committee on Justice, mantang an ikaduwa an tolos na naisakatupadan kun igwang pirma kan 1/3 kan mga miyembro kan Kamara.
