Nagpromesa an Korte Suprema na rerekasan kaini an pagresolbar sa mga kaso kan mahewasang korapsiyon sa tahaw kan anomaliya sa flood control projects.
Ini an makalihis irani ni Akbayan party-list Rep. Chel Diokno sa pagdangog kan House Committee on Appropriations sa prosopwestong pondo kan hudikatura an soboot sentimiyentokan taumbayan na anggot sa mga nangyayaring anomaliya sa nasambitan ng proyekto asin iba pang infrastructure projects.
Digde, hinapot kan lehislador si Supreme Court Administrator Ma. Theresa Gomez-Estoesta kun kaipuhan na man bayang makiaram kan hudikatura sa pagsasagibo nin imbestigasyon sa ibong pa kan pigsasagibong imbestigasyon kan duwang ahensiya kan gobyerno sa tahaw na man kan pangapodan para sa paninimbagan.
Simbag man kan SC Administratir na alagad maski pwedeng magpahiling an hudikatura nin concern, dapat soboot kaining mantiniron an tiwala asin kumpiyansa kan publiko sa paagi kan paghatol nin makatarungan asin pighurot na an core value kan sarong ethical judge an magin independent.
Sa presente, an Blue Ribbon Committe kan Senado asin Infrastructure Committe kan Kamara de Representantes asin binilog na Independent Commission for Infrastructure (ICI) ni Presidente Ferdinand Marcos Jr. an nagsasagibo nin imbestigasyon sa nadiskubreng mga anomaliya sa flood control projects kan gobyerno.
