Sinugo kan Korte Suprema en banc an Kamara, Senado, asin si Executive Secretary Lucas Bersamin na magsumitir kan saindang mga komento sa laog kan 10 aldaw dapit sa petisyon na nag-aakusar sa sainda sa dae pagkakatuma kan 2025 General Appropriations Act (GAA) sa saligang batas.
Basado sa nagin petisyon na isinunad ninda dating Executive Secretary Vic Rodriguez, Davao City 3rd District Rep. Isidro Ungab, asin iba pang mga nagsunad nin petisyon, dae soboot sinunod kan bicameral committee an Republic Act No. 12116, o an GAA para sa 2025 fiscal year kun saen pagbalgar soboot ini sa constitution kan Pilipinas.
Sigun sa mga petitioners, bigo an ley na tawan nin mandatory allocation fund an an Philhealth alagad maski an paglangkaw man sa pondo kaini an nasa kamot na ni Presidente Ferdinand Marcos Jr. kun saen pigtatawan nin labi na prayoridad soboot an imprastraktura kaysa sa edukasyon.
Ipighayag pa sa petisyon na an report soboot kan bicameral conference committee a budget mayong laog na item.
Mientrastanto, pigsugo kan SC an mga respondent na magsumitir kan saindang komento sa laog kan dae malampas sa 10 aldaw puon kan maresebir an abiso.
