Dakula an ibinaba kan numero kan mga nabibiktima kan online scam ngunyan na holiday season sigun sa Cybercrime Investigation and Coordinating Center (CICC).
Sigun ki Usec. Renato Paraiso, executive director kan CICC, mas kadakol man an saindang naarestae ngunyan na 2025 kumparar kan taong 2024.
Kaibahan sa mga karaniwang scam na naikurit iyo an online shopping scam, delivery scam, travel scam, asin love scam.
Basado sa datos, nagbagsak nin haros 95% anga text asin calls scam puon sa labi sarong milyon na insidente kan taong 2024 pasiring sa labi 65,000 ngunyan na taon.
Siring man, nagbalyo an mga scammer sa social media asin messaging apps kun saen nagdakol an mga mapanlinlang na link.
Sa enot na quarter kan 2025, nakapagkurit man an CICC nin labi 3,200 Cybercrime complaints, mas halangkaw kumparar sa huring parte kan 2024.
Huli digde, liwat pinagiromdoman ni Paraiso an publiko na maglikay asin dae basta-basta magtiwala sa mga online transaksiyon orog na ngunyan na kapaskuhan.
