Aram baya nindo mga KaBombo, an mga turista na nagmamawot na magsakat sa China’s sacred Mount Tai sa probinsya nin Shandong, ngunyan kaya nang magibo sa tabang sana kan lightweight AI-powered exoskeleton na kayang magibo an hiking komo kaenga-enganyo.
Nag viral sa Chinese social media asin nakaguno nin manlen-laen na teorya an mga kuang clips kan sarong may edad nang turista na nag hiking sa sarong sagradong bundok sa Mount Tai mantang sulot an bizzare gear sa palibot kan lawas.
Alagad an totoo, an nasambitan ng turistang ini sulot an pig aapod na light exoskeletons na pig alok kan Taishan Cultural Tourism Group para sa trial basis.
May gabat nin 1.8 kg (4lbs), an mga advanced exoskeletons an naireport na pig kriar na may mga serye nin sensors na nagigibong ma-detect asin ma-analisar an kada hiro kan bitis kan naggagamit asin man mag provide nin tamang tabang na kaipo kada oras, ini man soboot pigsasabing epektibo na mabawasan an gabat kan mga bitis mantang nagsasakat sa bundok.
Sigun sa UDN, an AI-powered exoskeletons nadiksubre kansuarin sana kan Taishan Cultural Tourism Group na nag aalok nin tabang sa laog nin nasa 5 oras o 14 kilometero sa single charge.
An mga ini mayor na pigdisensyo para sa may edad na tao na mawot pang mag hiking sa Mount Tai alagad dae na kakayahon huli sa malalang pisikal na kondisyon.
Maswerte an mga hikers na matawanan nin tyansa na makagamit nin personal exoskeleton huli sa kapasidad kaining ma-detect an kada hiro asin mag tao nin tamang tabang.
Sa ngunyan an lightweight gadget an nasa irarom pa nin trial phase, asin pag naging trayumpo posible na magamit sa ibang trabaho o senaryo sa buhay siring kan physically demanding na mga klase nin trabaho, pagdalagan asin man para sa fitness.
