Dai mababa sa 25 mga kaakian an nagadan makalihis na masulo an sarong school bus sa luwas kan Bangkok, Thailand, ngunyan na Martes, Oktubre 1, 2024.
Susog sa gobierno kan nasyon, igwa nin lunad na 44 na mga estudyante asin nagkapirang mga paratukdo gikan sa Wat Khao Phaya School sa Uthai Thani, pasiring sa Ayutthaya na para kuta sa field trip kan an saro sa mga goma kaini sa enotan nagputok. Ini an nagin kawsa kan pagkawara nin kontrol kan behikulo asin pagkabangga sa sarong metal na tapa asin an aksidente nagkawsa nin kasulo na marikas na nagsulo sa bilog na bus.
Susog ki Transport Minister Suriya Jungrungreangkit, dai pa malinaw an numero kan mga nagadan alagad 25 katawo an pigtutubodan pagkatapos kan kasulo.
Sa ngunyan, nagpaabot naman nin pakikidumamay sa mga pamilya kan mga biktima an nasambitan ng Minister.
