Aram baya nindo mga ka-bombo, sarong controversial Russian scientist an pig-ako an saiyang pagbugtak nin electrode sa utak tanganing makontrol an panaginip sa paagi kan pag-perform nin brain surgery sa saiyang sadiri sa laog kan saiyang mismong kwarto.
Binisto an lalaki na si Michael Raduga, sarong Russian researcher alagad mayong neurosurgery qualifications.
Katakod digde, pigreport na nawaran nin haros sarong litro nin dugo si Raduga mantang nagsasagibo kan nasambitan ng brain surgery sa saiyang sadiri sa Kazakhstan.
Sigun ki Raduga, kinaipuhan kaining magsairarom sa surgery tanganing maibugtak an electrode sa saiyang utak na kun saen pigtutubudan na makakakontrol sa maraot na panaginip.
Si Raduga an bako man doctor, alagad ini an founder kan Phase Research Center, sarong organization na nagtatao nin giya kun tano naeeksperyensiyahan kan tawo an sleep paralysis asin iba pa.
