NAGA CITY – Sugatan ang isang security guard matapos ang nangyaring aksidente sa Maharlika Highway, Brgy. Mambulo, Libmanan, Camarines Sur.
Sa nakalap na impormasyon ng Bombo Radyo Naga sa Camarines Sur Police Provincial Office, napag-alaman na habang papuntang Sipocot, Camarines Sur ang van na minamaneho ni Antonio Altez, ng aksidente nitong nabangga an isang motorsiklo na minamaneho naman ng kinilalang security guard na si Jovan Oling, 26-anyos.
Sa inisyal na imbestigasyon ng mga otoridad, nabatid na nawalan ng control sa manibela ang security guard kung saen bumangga rin ito sa isang nakaparadang bus.
Dahil dito, nagtamo ng mga sugat sa iba’t-ibang bahagi ng kaniyang katawan si Oling na agad namang dinala sa ospital para sa karampatang asistensya medikal.
Sa ngayon, nasa kustodiya na ng mga otoridad ang suspek na driver ng van para sa karampatang disposisyon.
