NAGA CITY-Naglalaom ngonyan an Makabayan bloc na maipapasar na kan Senado an pigtutukar na Security of Tenure bill antes pa an State of the Nation Address (SONA) ni Presidente Rodrigo Duterte.
Sa entrevista kan Bombo Radyo Naga ki Bayan Muna Partylist Rep Carlos Isagani Zarate, sinaysay kaini na naglalaom sindang antes pa matapos an saindang second regular session, maipapasar na kan senado an security of tenure bill.
Apwera sa nasambitang propwestong ley na pigtutukar ngonyan sa Senado igwa pa suboot sindang mga pig-aandam na mga propwestong igwang obhetong masolusyunan an mga mayor na problema sa labor and employment sa nasyon.
Kabale na suboot digdi an propwestong nagmamawot na magkaigwa nin national mininum wage urog na para sa mga private sector workers.
Pinag-aadalan man suboot ninda an propwestong pagtaas kan sahod para sa mga government employees asin an pagpapangalad na magkaigwa nin contractualization, job order asin contract of service sa mga empleyadong nagtatrabaho sa mga opisina kan gobyerno.
