Nagpautob nin mas pinahigot na seguridad an Philippine National Police (PNP) makalihis na maghupa an tensiyon sa tahaw kan duwang angkan sa munisipalidad kan Tipo-tipo sa Basilan.
Sigun ki Acting PNP Chief PLtGen. Jose Melencio Nartatez Jr., sa irarom kaini, ipapautob an mas pinakusog na peacekeeping asin investigate operations sa Tipo-tipo tanganing masierto na dae na liwat mausbong an tensiyon sa lugar.
Ini man soboot an basado na man sa nagin direktiba ni Presidente Ferdinand Marcos Jr. asin alinsunod man sa patnubay ni Department of Interior and Local Government (DILG) Secretary Jonvic Remulla na siertuhon an stabilidad sa Tipo-tipo, pangatamanan an mga komunidad na nagsasakop digde asin ipautob an gabos kan nag-iiral na ley sa mga lugar na apektado kan nagin kariribokan sa probinsiya.
Ini sobot an isasagibo sa paagi kan inter-agency coordination asin proactive na pagpapautob kan mga polisiya.
Mientrastanto, nanindugan man an Pambansang Pulisya na padagos na mabantay sa mga lugar na sakop kan Tipo-tipo kun saen nakatalaan man sindang magsagibo nin visibility patrols, pagsuporta sa nagpapadagos na imbestigasyon sa insidente asin pagpapakusog kan law enforcement efforts sa lugar tanganing masierto an kaayusan asin katoninongan sa bilog na probinsiya.
