Naglalaom an nasa sektor nin agrikultura na matawan nin dakula o halangkaw na badyet kan Department of Agriculture (DA) tangani masimbagan an pangangaipuhan kan kada mamamayang Filipino.
Sa sarong meeeting sa Maynila, sinaysay ni Agricultural Sector Alliance of the Philippines (AGAP), convenor asin nagbwelatada sa Kongreso na si Rep. Nicanor Briones, kun mawot kan gobyerno na magkaigwa nin food security, dapat tapatan kaini an pondo.
Pigtawan duon kan lehislador na dakula an pangangaipuhan sa agrikultura, siring kan bagas, irigasyon, mga post harvest facilities, rice milling asin iba pa na dapat suportaran kan gobyerno.
Paliwanag pa kaini, maibababa sana an halangkaw na presyo kan livestock, manok asin sugok kun madakol man an suplay asin matatabangan an sektor nin agrikultura.
Pangapudan ni Briones ki Presidente Ferdinand Marcos Jr., kung an mawot na inuton an sektor nin agrikultura asin mawot na magkaigwa nin food security asin bastante na pagkakan kan pamilyang Filipino, kaipuhan na dugangan an pondo kan DA.
Sigun ki Briones, an hinahagad na budget kan DA iyo an P500 bilyon alagad nasa labi sa P200 bilyon sana an pigtatao sa nakalihis na budget hearing.
