Opisyal nang mag-agom sinda singer-actress Selene Gomez, asin record producer Benny Blanco makalihis an nagkapirang taong pag-iribahan.
Sa sarong Instagram post ni Selene na igwang caption na “🤍 9.27.25 🤍,” ipigheras kaini an saindang wedding photos kun saen mahihiling na naka-white wedding gown ini mantang naka-black tuxedo man si Benny.
Enot na nagkabistuhan an duwa kan nakalihis na 2015 kan magin co-producer si Benny kan hit single si Selene na “Same Old Love” na nagin puon pa kan saindang padagos na kolaborasyon.
Sa sarong entrevista, ipigheras ni Selena kun pano nahulog an saiyang boot ki Benny, na inapod pa kaining “best friend”.
Marurumdumang pig-anunsyar ninda an saindang relasyon sa publiko kan nakalihis na taon, kasabay kan engagement announcement sa Instagram.
